Интерпол каналлари орқали халқаро қидирувда бўлган фуқаро Ўзбекистонга олиб келинди.
Гумонланувчини топшириш Ўзбекистон Бош прокуратураси Халқаро-ҳуқуқий департаменти ва Перу Адлия вазирлигининг фаол кўмагида амалга оширилди. Туркия фуқароси Ўзбекистон Республикаси ЖКнинг 168-моддаси 4-қисмида назарда тутилган жиноят - жуда кўп миқдорда фирибгарлик содир этганлиги учун қидирувда бўлган.
Айбланувчи узоқ вақт давомида Перу ҳудудида терговдан яширинган ва у ерда халқаро қидирув доирасида қўлга олинган.
Экстрадиция Интерполнинг Тошкент ва Перу пойтахти Лимадаги Миллий марказий бюролари ходимлари томонидан ўтказилган қўшма тезкор-қидирув тадбирлари натижаси бўлди. Узатиш жараёнида транзит ўтган Франция ва БАА ваколатли органлари қўшимча ёрдам кўрсатди.
Изоҳ