Пойтахт ИИББ ЙҲХБ матбуот хизмати хабарига кўра, ЙТҲ бугун, 5 май куни соат 16:35 атрофида Мирзо Улуғбек кўчасида содир бўлган.
Equinox автомобили ҳайдовчиси ўзини ёмон ҳис қилгани сабабли бошқарувни йўқотиб, светофорда турган бир нечта автомобилга бориб урилган.
Қайд этилишича, ҳодиса оқибатида ҳалок бўлганлар йўқ. 15 та транспорт воситаси шикастланган. Equinox ҳайдовчиси жароҳатлар билан шифохонага ётқизилган.
Шунингдек, бошқа транспорт воситаларининг ҳайдовчилари: 1968 йилда туғилган С.Э., 1971 йилда туғилган М.А., 1985 йилда туғилган С.Э. лар енгил тан жароҳати олганлиги сабабли уларга шифокорлар томонидан биринчи тиббий ёрдам кўрсатилган.
Ҳозирда мазкур ҳолат юзасидан суриштирув ишлари олиб борилмоқда. Қўшимча маълумотлар кейинроқ тақдим этилади.
Изоҳ