Тошкентда "Тошкент Бродвей" (Сайилгоҳ кўчаси) ҳудуди, унга туташ хиёбон, яшил ҳудудлар, пиёдалар йўлаклари ва шаҳар инфратузилмаси элементларини ўз ичига олган шаҳар участкасини ривожлантириш бўйича тизимли ишлар давом этмоқда.
Ҳозирги ҳолат таҳлили нафақат пиёдалар зонасининг ўзини, балки унга туташ ҳудудларни ҳам босқичма-босқич комплекс янгилаш зарурлигини кўрсатди.
Лойиҳа асосида Ягона дизайн-код ва ҳудудни комплекс ривожлантириш тамойиллари ётади. Тайёргарлик жараёнида аҳоли ва профессионал ҳамжамиятнинг таклифлари ўрганилади.
Қайд этилишича, ҳудуд очиқ шаҳар муҳити хусусиятини сақлаб қолади. Кўча рассомлари ва ижодий ҳамжамият вакиллари бу маконнинг бир қисми бўлиб қолади. Лойиҳанинг вазифаси жонли шаҳар фаоллигини олиб ташлаш эмас, балки уни тартибга солиш, муҳитни қулай, ҳаммабоп ва хавфсиз қилишдир.
Қайд этилишича, ҳудуд очиқ шаҳар муҳити хусусиятини сақлаб қолади. Кўча рассомлари ва ижодий ҳамжамият вакиллари бу маконнинг бир қисми бўлиб қолади. Лойиҳанинг вазифаси жонли шаҳар фаоллигини олиб ташлаш эмас, балки уни тартибга солиш, муҳитни қулай, ҳаммабоп ва хавфсиз қилишдир.
"Айрим ҳудудларда қоплама эскирган, пиёдалар маршрутлари ҳар доим ҳам қулай эмас, тўсиқсиз муҳитни ривожлантириш, ободонлаштириш элементларини янгилаш, санитария, савдо ва шаҳарсозлик талабларига мувофиқ конструкцияларни, визуал безакларни ва фаолиятнинг айрим турларини тартибга солиш зарур," - дея таъкидлади ҳокимлик.
Лойиҳа доирасида қуйидагилар назарда тутилган:
- йўл ва йўлак қопламаларини янгилаш;
- пиёдалар маршрутлари ва кириш имкониятларини яхшилаш;
- тўсиқсиз муҳит яратиш;
- "Бродвей," хиёбон ва унга туташ ҳудудларни ободонлаштириш;
- ёритишни модернизация қилиш;
- кўкаламзорлаштириш ва суғориш тизимини ривожлантириш;
- ўриндиқлар, қутилар, ёритиш элементлари ва бошқа кичик меъморий шаклларни ўрнатиш;
- фаввораларни реконструкция қилиш;
- Ягона дизайн-код талабларига мувофиқ пешлавҳалар ва рекламаларни тартибга солиш;
- ноқонуний ва тартибсиз конструкцияларни демонтаж қилиш;
- савдони белгиланган меъёрларга мувофиқлаштириш;
- жамоат жойларини видеокузатув ва мониторинг қилиш тизимларини жорий этиш.
Мавжуд дарахтлар кўрикдан ўтказилиб, соҳа мутахассислари томонидан назоратга олингани таъкидланди. Шунингдек, камида 1000 та янги яшил ўсимликлар - дарахтлар, буталар ва манзарали ўсимликлар экиш режалаштирилган.
Изоҳ