Таиланднинг Бангкок шаҳрида кикбоксинг бўйича ўтказилган Жаҳон кубоги мусобақасида Ўзбекистон терма жамоаси тарихий натижани қўлга киритди.
Қайд этилишича, 32 та давлатдан 1000 нафардан зиёд спортчи иштирок этган нуфузли мусобақада ўзбекистонлик кикбоксчилар юксак маҳорат намоён этиб, жами 36 та олтин, 22 та кумуш ва 14 та бронза медалларини қўлга киритишди. Умумий ҳисобда жамоа 72 та медалга эга бўлди.
Мусобақа якунларидан сўнг спортчилар Ислом Каримов номидаги Тошкент халқаро аэропортида тантанали кутиб олинди. Уларга спорт федерацияси мутасаддилари, ота-оналар ва кенг жамоатчилик вакиллари томонидан кейинги мусобақаларда муваффақият тилаклари билдирилди.
Изоҳ