Нуфузли хорижий таълим ташкилотларида илмий даража олган ёш мутахассисларга ипотека кредитлари ажратилади, дейилади ҳукумат қарорида.
Низомга кўра, Ўзбекистон ҳудудида бирламчи бозордан уй-жой сотиб олиш учун ҳар ойда қайтариш шарти билан 10 йил муддатга 2 150 БҲМгача кредит ажратилади.
Кредит тижорат банки маблағлари ҳисобидан йиллик 14% ставкада ажратилади.
Кредит қарз олувчига қуйидаги барча шартларга мувофиқ бўлганда берилади:
• Ўзбекистон Республикаси фуқаролигига эга бўлиш;
• ариза билан мурожаат қилинган кунда қарз олувчининг ёши 35 ёшдан ошмаган бўлса;
• қарз олувчида халқаро рейтинг ташкилотлари томонидан эълон қилинган рейтингнинг энг яхши 100 талигига кирувчи хорижий олий таълим ташкилотларида олинган илмий даражанинг мавжудлиги;
• қарз олувчининг хорижий олий таълим ташкилотларида илмий даража олганлиги тўғрисидаги дипломини белгиланган тартибда тан олиш.
Қарз олувчи ипотека кредити ажратиш учун ЙИДХП орқали қуйидаги ҳужжатларни илова қилган ҳолда мурожаат қилиши керак:
• кредит олиш учун ариза;
• уй-жойни сотиб олиш учун қурилиш ташкилоти билан тузилган шартнома.
Тижорат банки 3 иш куни ичида унинг тўлов қобилиятини ўрганиб, уй-жой сотиб олиш учун ажратилиши мумкин бўлган кредит миқдори тўғрисида банк хулосасини Олий таълим, фан ва инновациялар вазирлигига тақдим этади.
Бунда кредит миқдори сотиб олинадиган уй-жой қийматининг 80 фоизидан ошмаслиги керак.
Изоҳ