Ўзбекистонда дам олиш кунлари илиқ ва қуруқ об-ҳаво кутилмоқда

Фақат айрим ҳудудларда — Самарқанд вилояти, Жиззах вилояти ҳамда Фарғона водийси вилоятларида қисқа муддатли ёмғир ва момақалдироқ бўлиши мумкин.

Ҳарорат кечаси +8…+13, кундузи эса +20…+25 даража атрофида бўлади. Республика тоғолди ва тоғли ҳудудларида ҳам айрим жойларда қисқа муддатли ёмғир ва момақалдироқ кузатилиб, сел-паводка хавфи сақланиб қолади.

Тошкент шаҳрида эса дам олиш кунлари ёғингарчилик кутилмаяпти. Шамол шарқий йўналишда, кучсиздан ўртача тезликкача эсади. Ҳарорат кечаси +11…+13, кундузи +23…+25 даражани ташкил этади.