Маълум бўлишича, судланувчи М.А. аввал Россияда гиёҳвандлик воситалари муомаласи билан боғлиқ жиноят учун 6 йилга озодликдан маҳрум қилинган ва жазони ўтаётган вақтда Россия Федерацияси Қуролли кучлари сафига Украинага қарши урушда иштирок этиш учун контракт асосида ёлланган.
2025 йил сентябрь ойида жанговар ҳаракатларда қатнашиб, ўқ ва портлаш оқибатида оғир тан жароҳатлари олган. Кейинчалик ҳарбий госпиталда даволаниб, 2025 йил октябрь ойида Ўзбекистонга қайтган.
Суд жараёнида у айбига тўлиқ иқрор бўлиб, урушга мажбурий равишда ёлланганини, ҳозирда қилмишидан пушаймонлигини билдирди. Суд унинг ихтиёрий равишда элчихона орқали ватанга қайтгани, терговга фаол ёрдам бергани, тақдим этилган рақамли далиллар ва суд-тиббий экспертиза хулосалари билан айби тасдиқланганини инобатга олди.
Суд ҳукмига кўра, Марғилон шаҳрида яшовчи М.А. Жиноят кодексининг 154-моддаси 1-қисми билан айбдор деб топилиб, унга 3 йил муддатга озодликни чеклаш жазоси тайинланди.
Изоҳ