Кеча, 8 декабрь куни Тошкент халқаро аэропортида муҳим юк операцияси амалга оширди ва ноёб самолёт кутиб олинди.
Маҳаллий вақт билан соат 1:15 да аэропортга "АIR ATLANTA ICELANDIC" авиакомпаниясининг Boeing 747-400 юк рейси келиб қўнди. У Тошкентга Белгиянинг Леж шаҳридан 93 тонна тирик қорамол олиб келди.
Самолёт бортида Германия ва Австриядан келтирилган Симментал ва Голштин зотларига мансуб сигирлар олиб келинди.
"Чорва молларни бортдан тушириш ва олиб кетиш барча ветеринария талабларига мувофиқ тезкорлик билан амалга оширилди. Аэропорт мутахассислари юк операцияларини амалга оширишда юқори даражадаги тайёргарликни намойиш этдилар ҳамда жониворларни хавфсиз ҳаво кемасидан тушириш ва жойлаштиришни таъминладилар," - дейилади хабарда.
Изоҳ