Порутгалиялик мураббий Паулу Бенту яқинда тарихда илк маротаба 2026 йилги жаҳон чемпионатига саралашдан ўтган Ўзбекистон терма жамоасини бошқаришга таклиф олди.
Португалиянинг А Bola нашрининг хабарига кўра, португалиялик мураббий Ўзбекистон футбол ассосиациясининг таклифини рад этган. Чунки таклиф қилинган шартлар унинг фаолиятининг ушбу босқичида кутганларига мос келмаслигини тушунган.
Эслатиб ўтамиз, 56 ёшли Паулу Бенту шу йилнинг март ойида Бирлашган Араб Амирликлари терма жамоаси мураббийлигидан истеъфога чиқарилган эди. Бу қарор мураббийни ҳайратда қолдирди, чунки жамоа ҳали ҳам навбатдаги жаҳон чемпионатига мисли кўрилмаган йўлланма учун курашмоқда.
Маълумот ўрнида, 2010 йилдан 2014 йилгача Португалия терма жамоаси бош мураббийи бўлган Паулу Бенту 2022 йилги Жаҳон чемпионатида Жанубий Корея терма жамоасига ҳам мураббийлик қилган эди.
Айни дамда Ўзбекистон МТЖ CAFA Nations Cup мусобақасида иштирок этмоқда ва миллий терма жамоага Тимур Кападзе бошчилик қилмоқда.
Изоҳ