Коррупцияга қарши курашиш агентлиги Uzbekistan Airports АЖ томонидан 6,8 млрд сўмлик давлат харидларини амалга оширишда қонунчиликка зид хатти-ҳаракатлар аниқланганини маълум қилди.
Аниқланишича, компания буюртмаси асосида бодикамераларни етказиб бериш, ўрнатиш ва ишга тушириш бўйича хизматлар учун амалга оширилган харидда кўплаб қоидабузарликлар қайд этилган.
Хусусан, тендер иштирокчиларининг таклифлари танлов ҳужжатлари талабларига мувофиқ тўлиқ ва холисона баҳоланмаган.
Бундан ташқари, жараёнда ўзаро боғлиқ шахслар (яъни умумий манфаатлар ва қарамликка эга бўлган шахслар) иштирок этган ва таклифларни баҳолашда жиддий хатоларга йўл қўйилган.
Агентлик тақдимномасига кўра, ғолибни эътироф этиш тўғрисидаги комиссия баённомалари ҳақиқий эмас деб топилди. Ушбу иш бўйича ҳужжатлар ҳуқуқни муҳофаза қилиш органларига топширилди.
Изоҳ