Тошкентда аҳолини сифатли ва ҳамёнбоп озиқ-овқат маҳсулотлари билан таъминлаш бўйича тизимли ишлар олиб борилмоқда, дея хабар бермоқда Тошкент шаҳар ҳокимлиги Матбуот хизмати.
Пойтахтнинг бешта йирик бозорида гўшт нархи аллақачон пасайган:
— Чорсу;
— Юнусобод;
— Фарҳод;
— Авиасозлар;
— Қўйлиқ.
“Авиасозлар”, “Фарҳод”, “Эски Жўва”, “Юнусобод” ва “Қўйлиқ” озиқ-овқат бозорларида илгари 624 та гўшт маҳсулотлари савдо расталари фаолият кўрсатган. 3-август куни қўшимча равишда яна 84 та раста (+13,5%) ташкил этилди. Натижада савдо нуқталарининг умумий сони 708 тага етди.
3 август ҳолатига кўра, Тошкент шаҳри бозорларига 78,9 тонна гўшт етказиб берилган. Шундан 21,8 тоннаси (умумий ҳажмнинг 27,6 %) савдо расталарига жойлаштирилган қўшимча ҳажмни ташкил этди.
Тақсимот қуйидагича:
— “Авиасозлар” – 3,1 тонна (14,2%);
— “Фарҳод” – 5,6 тонна (25,7%);
— “Эски Жува” – 6,0 тонна (27,5%);
— “Юнусобод” – 3,2 тонна (14,7%);
— “Қўйлиқ” – 4,0 тонна (18,3%).
Ушбу расталарда гўшт арзонлаштирилган нархларда сотилмоқда:
— мол гўшти (маҳаллий) – 85 000 сўм;
— мол гўшти (беларус) – 70 000 сўм;
— қўй гўшти (маҳаллий) – 90 000 сўм;
— музлатилган гўшт – 65 000 сўм.
Изоҳ