Бугун, Тошкентда юк машинаси 10 дан ортиқ автомашинани уриб кетгани акс этган видео ижтимоий тармоқларга сиздирилди. Ушбу ҳолат юзасидан Тошкент шаҳар ИИББ ЙҲХБ маълумот берди.
Жорий йилнинг 1 август куни соат 13:30 атрофида Тошкент шаҳар Янгиҳаёт тумани Чоштепа кўчасида IVECO юк машинаси, Captiva, 2 та Lacetti, Spark, Onix, Malibu-2, Cobalt, Hyundai ва Tracker-2 автомашиналари ўзаро тўқнашуви натижасида йўл-транспорт ҳодисаси содир бўлган.
Содир бўлган ушбу ЙТҲ натижасида тан жароҳат олганлар йўқ.
Йўл-транспорт ҳодисаси юк транспорт воситаси ҳайдовчисининг руль бошқарувини йўқотиши натижасида содир бўлган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
Изоҳ