Бош прокуратура хабарига кўра, Тошкент автомобиль йўлларини лойиҳалаш, қуриш ва эксплуатацияси институтининг доимий танлов комиссияси раиси Т.Ш., институт ётоқхоналари учун мебель жиҳозларини кўтарилган нархда сотиб олган.
Институт ётоқхоналари учун мебель жиҳозларини сотиб олиш юзасидан ўтказилган тендер танловида бир дона кроватни 915.000 сўмдан етказиб бериш таклифи берилган. Аммо, танлов натижасида муқобил қимматроқ вариантни кўрсатган тадбиркорлик субъекти ғолиб сифатида кўрсатилган. Натижада 360 дона кроватлар ҳақиқий бозор баҳосидан 18.000.000 сўмга қиммат нархда сотиб олинган.
Мазкур ҳолат юзасидан Т.Ш.га Жиноят кодексининг 167-моддаси 2-қисми «г» банди билан айб эълон қилиниб, тергов ҳаракатлари давом этмоқда.
