2025 йилда Тошкентда ўтказилиши режалаштирилган III Осиё ўсмирлар ўйинлари Баҳрайнга кўчирилди. Бу ҳақда Осиё олимпия кенгаши Матбуот хизмати хабар берди.
Бу қарор Ижроия кенгашининг жорий йил 2 декабрдаги йиғилишида қабул қилинди. Трансфер сабаби айтилмаган.
Эслатиб ўтамиз, 2020 йил декабрь ойида Ўзбекистон Миллий олимпия қўмитаси Осиё Олимпия Кенгаши Бош Ассамблеяси билан 2025 йилги Осиё ўйинларини Тошкентда ўтказиш бўйича келишув имзолангани ҳақида хабар берган эди. Ушбу йирик мусобақада Ўзбекистонда 5 мингга яқин меҳмон келиши кутилган эди. Кейинчалик бу маълумот МОҚ расмий сайтидан олиб ташланди.
Мусобақа ўтказиш учун 100 гектар майдонга эга Олимпия шаҳарчаси қурилиши ҳам бошланганди. Президент сентябрь ойи бошида мажмуа қурилишининг бориши билан танишганди.