ЖЧ-2026 саралаш: Ўзбекистон МТЖнинг 3-босқич саралаш баҳсларидаги рақиблари маълум бўлди

Бугун, 27 июнь куни Малайзиянинг Куала Лумпур шаҳрида жойлашган ОФК қароргоҳида футбол бўйича 2026 йили Шимолий Американинг учта Канада, Мексива ва АҚШ давлатидаги 16 та шаҳри мезбонлик қиладиган мундиалнинг Осиё минтақаси саралаш баҳсларининг 3-босқичига қуръа ташлаш маросими бўлиб ўтди.

Қуръа ташлаш маросимига кўра, 18 та терма жамоа 3 та гуруҳга бўлинган ҳолда саралаш баҳсларидаги рақибларини билиб олишди. Ўзбекистон миллий терма жамоаси "А" гуруҳидан жой олди.

Эрон, Қатар, Ўзбекистон, БАА, Қирғизистон ва Шимолий Корея

Жанубий Корея, Ироқ, Иордания, Оман, Фаластин ва Қувайт

Япония, Австралия, Саудия Арабистони, Баҳрайн, Хитой ва Индонезия.

Ўзбекистон миллий терма жамоаси саралаш баҳслари 3-босқичининг дастлабки турини жорий йил 5 сентябрь куни Шимолий Корея терма жамоасига қарши ўтказади. Ушбу учрашувни Ўзбекистон МТЖ ўз уйида ўтказади.

1-тур. 5 сентябр. Ўзбекистон — КХДР
2-тур. 10 сентябр. Қирғизистон — Ўзбекистон
3-тур. 10 октябр. Ўзбекистон — Эрон
4-тур. 15 октябр. Ўзбекистон — БАА
5-тур. 14 ноябр. Қатар — Ўзбекистон
6-тур. 19 ноябр. КХДР — Ўзбекистон

7-тур. 20 март. Ўзбекистон — Қирғизистон
8-тур. 25 март. Эрон — Ўзбекистон
9-тур. 5 июн. БАА — Ўзбекистон
10-тур. 10 июн. Ўзбекистон — Қатар