Ўзбекистон Ташқи ишлар вазири Бахтиёр Саидов Австриянинг Ўзбекистондаги янги тайинланган элчиси ва дипломатик миссиясини якунлаётган Кореянинг Ўзбекистондаги элчиси билан учрашди. Бу ҳақда Бахтиёр Саидов ўзининг Telegram'даги саҳифасида маълум қилди.
Австриянинг Ўзбекистондаги Элчиси этиб тайинланган Матиас Радостич Ўзбекистон Ташқи ишлар вазири Бахтиёр Саидовга ишонч ёрлиқларини топширди.
Саидов Элчига Ўзбекистондаги фаолияти давомида фойдаланилмаган имкониятларни кашф этишда муваффақиятлар тилади.
Бундан ташқари вазир Корея Республикасининг Ўзбекистондаги дипломатик миссиясини якунлаётган Элчиси Ким Хи-санг билан учрашди.
Ташқи ишлар вазирлиги номидан Элчига Ўзбекистонда бўлган даврида алоҳида стратегик шерикликни бойитишга қаратилган фидокорона хизмати учун ўз миннатдорлигини билдирди ҳамда дипломатнинг келгуси фаолиятида муваффақиятлар тилади.