Фахриддин Насриев Ўзбекистоннинг Эрондаги элчихонасига фавқулодда ва мухтор элчи этиб тайинланди, дея хабар бермоқда Ўзбекистон ТИВ Матбуот хизмати.
Бунгача у 2018-2023 йилларда Ўзбекистоннинг Қозон шаҳридаги (Россия) Бош консуллигини бошқарган. Меҳнат фаолиятини 1999 йилда банк тизимида, 2003 йилдан эса Ташқи ишлар вазирлигининг турли тузилмаларида, жумладан Бельгия ва НАТОдаги дипломатик ваколатхоналарда бошлаган.
Ташқи ишлар вазирлигининг Консуллик-ҳуқуқий департаментида у 3-котибликдан директор ўринбосаригача бўлган поғонани босиб ўтган.
