Жорий йилнинг 17 ноябрь куни Жиззах вилояти Зомин тумани ва Жиззах шаҳри ўртасида жойлашган темир йўл кўпригининг остидан ўтаётган HOWO юк машинаси кўприкнинг бир қисмини борти билан ўпириб олди. Ҳолат юзасидан "Ўзбекистон темир йўллари" АЖ муносабат билдирди.
Воқеа содир бўлганидан сўнг HOWO ҳайдовчиси дарҳол тўхтаган. Хавфсизлик ва тиклаш ишлари учун ушбу темир йўл кўприги бир муддат ёпилиб, барча тиклаш ишлари якунланди ва поездларнинг ушбу йўналишдаги ҳаракатлари тикланди.