25 сентябрь куни Навоий вилояти Учқудуқ туманида инсон ўлими билан боғлиқ ЙТҲ содир бўлди. Бу ҳақда Навоий вилояти ИИБ ЙҲХБ Матбуот хизмати UzNews.uz'га хабар берди.
Маълум қилинишича, соат 21:20 ларда 1998 йилда туғилган Nexia русумли автомашина ҳайдовчиси бошқарувни йўқотиб, қарама-қарши томондан ҳаракатланаётган 1998 йилда туғилган ҳайдовчи бошқарувидаги бошқа Nexia билан тўқнашиб кетган.
Ҳодиса оқибатида автомашина салонларида бўлган 3 нафар йўловчи ҳалок бўлган. Икки ҳайдовчи Зарафшон шаҳар шифохонасига ётқизилган.
Воқеа жойига туман прокуратураси, Ички ишлар бошқармаси, Фавқулодда вазиятлар бошқармаси вакиллари ҳамда тез тиббий ёрдам бригадаси етиб келган. Воқеа юзасидан дастлабки тергов ҳаракатлари олиб борилмоқда.
