Ижтимоий тармоқларда фуқаро томонидан мушукни ваҳшийларча тириклайин ёқиб юборилгани акс этган видео тарқалган эди.
Ҳолат юзасидан Фарғона вилояти ИИБ Ахборот хизмати расмий изоҳ берди.
Маълум қилинишича, ушбу ҳолатни Қувасой шаҳар Қарамкўл қишлоғида яшовчи М.А. ва бошқалар содир этганлиги аниқланган.
Уларга нисбатан МЖтКнинг 111-моддаси (ҳайвонларга нисбатан шафқатсиз муносабатда бўлиш) билан маъмурий тартибда ҳужжатлар расмийлаштирилиб, жарима жазоси қўлланилган.