1 июндан Самарқанд ва Истанбул ўртасида мунтазам авиақатновлар очилади. Рейслар ҳафтасига уч марта – сешанба, пайшанба ва шанба кунлари амалга оширилиши режалаштирилган. Чипта нархи 208 АҚШ долларидан бошланади.
Шунингдек, июнь ойида Qanot Sharq авиакомпанияси Самарқанд – Шарм-эль-Шейх – Самарқанд ва Тошкент – Нячанг – Тошкент йўналишларидаги янги рейсларни амалга оширишни бошлайди.
Ҳозирда Qanot Sharq авиакомпанияси Тошкент – Тель-Авив – Самарқанд йўналиши бўйича парвозларни чоршанба кунлари амалга оширмоқда, келгусида рейслар сонини ошириш режалаштирилган.
Бугунги кунда авиакомпаниянинг йўналишлар тармоғи Ўзбекистон ичидаги (Самарқанд, Бухоро, Фарғона) ва Ўзбекистонни хорижий давлатлар (Москва, Санкт-Петербург, Жидда, Пхукет, Тель-Авив) билан боғловчи 8 та йўналишни ўз ичига олган.
Яқин келажакда Qanot Sharq авиапаркдаги Airbus A330 самолётлар сонини ошириб, парвозлар географиясини кенгайтиришни, хусусан, Прага, Варшава, Париж, Милан, Сеул шаҳарларига рейсларни амалга оширишни режалаштирмоқда.
Қўшимча маълумот учун: (71) 227 93 07
Фото: Искандар Шарафов
Реклама ҳуқуқи асосида
