2023 йилнинг 5 декабрь кунига қадар жиноят ишлари бўйича Сергели туман суди лавозимида ишлаган шахс ушбу лавозимда бўлиши даврида, ўз иш юритувида бўлган қурилиш фирмаси раҳбари ва бошқаларни ЖКнинг 168-моддаси 4-қисми (фирибгарлик) "а" банди билан айблашга оид жиноят ишини кўриб чиқиши жараёнида ҳокимият ҳаракатсизлиги, далилларни сохталаштириш, адолатсиз ҳукм чиқариш ҳамда товламачилик каби жиноятларини содир этган. Бу ҳақда ДХХ Матбуот хизмати хабар берди.
Мазкур ҳолат юзасидан тўпланган материаллар асосида, Бош прокуратура томонидан ЖИБ Сергели туман судининг собиқ судьясига нисбатан ЖКнинг 165, 208, 230-1 ва 231-моддалари билан жиноят иши қўзғатилган.
Ҳозирда мазкур жиноят иши бўйича дастлабки тергов ҳаракатлари ДХХ Тергов бошқармаси томонидан олиб борилмоқда.
