Фарғона шаҳрига янги ҳоким тайинланди. Бу ҳақда вилоят ҳокимлиги Матбуот хизмати хабар берди.
Мазкур лавозимга 2021 йилдан Бағдод тумани ҳокими лавозимида фаолият юритиб келган Назаров Восилжон Шуҳратович номзоди маъқулланди.
Маълумот учун, шаҳар ҳокими вазифасида ишлаб келган Мирзоҳид Убайдуллаев Иқтисодий тараққиёт ва камбағалликни қисқартириш вазирининг ўринбосари – Маҳаллабай ишлаш ва тадбиркорликни ривожлантириш агентлиги директори лавозимига тайинланди.
