Президент қарорига асосан, Ўктам Исмоилович Тўраев қурилиш вазирининг ўринбосари лавозимига тайинланди. Ў. Тўраев тайинловга қадар Сариосиё тумани ҳокими лавозимида фаолият юритган.
Шу кунга қадар қурилиш вазирининг ўринбосари лавозимида ишлаган Эркин Бўриевич Искандаров эса бошқа ишга ўтиши муносабати билан лавозимидан озод этилди.
Шунингдек, Сариосиё тумани собиқ ҳокими Ўктам Тўраевнинг ўрнига шу кунгача вилоят ҳокими ўринбосари, маҳалла ва оилани қўллаб-қувватлаш бошқармаси бошлиғи лавозимида ишлаб келган Хўжақулов Абдусалом тайинланган.
