Маълум қилинишича, ҳайдовчи тезлик чеклови 60 км/соат этиб белгиланган шаҳар кўчаларида автомобилни 201 км/соат тезликда бошқарган. Унинг ёнида бўлган дўсти эса ушбу ҳолатни видеога олиб, ижтимоий тармоқларга жойлаган.
Ҳолат юзасидан олиб борилган суриштирув ишлари натижасида қоидабузар ҳайдовчи ва автомобиль аниқланган. Ҳайдовчига нисбатан Маъмурий жавобгарлик тўғрисидаги кодекснинг 128³-моддаси 4-қисми ҳамда 125-моддаси 5-қисмига асосан маъмурий баённомалар расмийлаштирилиб, автомобиль вақтинчалик жарима майдончасига жойлаштирилган.
Ҳайдовчи содир этган қилмишидан афсусда эканини билдириб, бундай ҳолат бошқа такрорланмаслигини айтган.
Маълумот учун, белгиланган тезликни сезиларли даражада ошириш базавий ҳисоблаш миқдорининг 15 бараваригача, давлат рақам белгиларисиз транспорт воситасини бошқариш эса 5 бараваригача жарима солишга сабаб бўлиши мумкин.
Изоҳ