Ёзнинг сўнгги кунларида мамлакат ҳудудининг катта қисмида иссиқ об-ҳаво сақланиб туради. Кундузги ҳарорат асосан 33–38 даража, жанубда айрим жойларда 39–40 даража бўлади.
31 августга келиб Ўзбекистоннинг шимоли-ғарбий ҳудудларида ҳаво ҳарорати 25–30 даражагача пасаяди. 1 сентябрдан нисбатан салқин ҳаво массалари республика ҳудудининг барча қисмига тарқалиб, ҳарорат 3–5 даражага тушади.
Байрам кунларида асосан қуруқ об-ҳаво кутилмоқда. Фақат Қорақалпоғистон Республикасининг шимолида 28–29 август кунлари қисқа муддатли ёмғир ёғиши ва момақалдироқ бўлиши мумкин.
Айрим ҳудудларда шамол 13–18 м/с гача, баъзи жойларда 20–22 м/с гача кучайиб, чанг-тўзон кузатилиши эҳтимоли бор.
Тошкентда байрам кунлари асосан кам булутли, ёғингарчиликсиз об-ҳаво бўлади. 28–30 август кунлари кундузи 35–38 даража, 31 августда 34–36 даража, 1 сентябрда эса 30–32 даража илиқ бўлади.
Пойтахтда тунги ҳарорат 20–22 даража, 1 сентябрда 16–18 даража атрофида бўлади. Шамол шимоли-ғарбийдан 3–8 м/с тезликда эсиб, вақти-вақти билан 10–12 м/с гача кучайиши ва айрим жойларда чанг-тўзон кўтарилиши мумкин.
Изоҳ