Ойнинг биринчи ўн кунлигида республика ҳудудларида асосан кам булутли ва қуруқ об-ҳаво кузатилади. Кечалари ва эрта тонгда ҳаво ҳарорати 15–20 даража, кундуз кунлари эса 30–35 даражагача, айрим кунларда 37 даражагача кўтарилиши мумкин. Бу ҳақда Ўзгидромет хабар берди.
Республиканинг жанубий ҳудудларида сентябрь ойининг энг иссиқ кунларида ҳаво 38–40 даражагача исиши эҳтимоли бор.
Ойнинг иккинчи ва учинчи ўн кунликларида ҳарорат нисбатан барқарорлашади. Бу даврда кечалари ҳаво 10–15 даража, кундуз кунлари эса 25–30 даража атрофида бўлиши кутилмоқда.
Шу билан бирга, айрим қисқа муддатларда ҳаво ҳарорати юқорилаши ёки пасайиши мумкин.
Сентябрь давомида айрим кунларда, жами 1–3 кун бироз жадалликдаги ёмғирлар ёғиши прогноз қилинмоқда. Жанубий ҳудудларда эса ёғингарчилик эҳтимоли жуда кам бўлади.
Республиканинг катта қисмида ойлик ёғингарчилик миқдори меъёрдан кам бўлиши кутилмоқда. Фарғона водийсининг айрим ҳудудларида ёғингарчилик миқдори меъёр атрофида бўлиши мумкин.
Қорақалпоғистон Республикаси ва Хоразм вилоятида эса сентябрь ойидаги ёғингарчилик миқдори меъёрдан кўп ёки меъёр атрофида бўлиши прогноз қилинмоқда.
Изоҳ