Ўзбекистонда аҳолига тегишли қарийб 5 млн автотранспорт воситаси бор

Ўзбекистонда жисмоний шахсларга тегишли 4,98 млн та автотранспорт воситаси рўйхатдан ўтган. Бу ҳақда Миллий статистика қўмитаси маълум қилди.

1 июль ҳолатига кўра, уларнинг асосий қисмини енгил автомобиллар ташкил этади — 4,62 млн дона. Шунингдек, аҳоли тасарруфида 343,4 мингта юк автомобили, 7,5 мингта микроавтобус, 7,1 мингта махсус транспорт воситаси ва 5,8 мингта автобус мавжуд.

Ҳудудлар кесимида аҳолига тегишли транспорт воситалари энг кўп Тошкент шаҳрида — 637,7 мингта қайд этилган.

Кейинги ўринларда:

• Фарғона вилояти — 573 472 та;
• Самарқанд вилояти — 563 072 та;
• Тошкент вилояти — 476 148 та;
• Қашқадарё вилояти — 457 457 та;
• Андижон вилояти — 381 421 та;
• Наманган вилояти — 336 810 та;
• Сурхондарё вилояти — 325 980 та;
• Бухоро вилояти — 309 391 та;
• Хоразм вилояти — 287 918 та;
• Қорақалпоғистон Республикаси — 220 882 та;
• Навоий вилояти — 156 745 та;
• Жиззах вилояти — 145 392 та;
• Сирдарё вилояти — 110 122 та.

1 июль ҳолатига Ўзбекистоннинг доимий аҳолиси 38,52 млн кишини ташкил этган.

Шу тариқа, мамлакатда ҳар 1 минг нафар аҳолига ўртача 129 та автотранспорт воситаси тўғри келади. Бошқача айтганда, тахминан ҳар 7,7 кишига битта автотранспорт воситаси тўғри келмоқда.