Тошкент вилояти божхона бошқармаси ходимлари томонидан “Навоий” чегара божхона постида болалардан фойдаланган ҳолда тилла қуймалари, заргарлик буюмлари ва нақд валютани ноқонуний олиб чиқишга қаратилган бир нечта уринишларга чек қўйилди.
Маълум қилинишича, Ўзбекистондан чиқиб кетаётган аёллардан бири гўдак фарзандининг таглиги орасига тахминан 200 грамм оғирликдаги икки дона тилла қуймани яшириб олиб чиқишга уринган. Божхона назорати давомида унинг ёнидан яна 70 грамм оғирликдаги, декларация қилинмаган заргарлик буюмлари ҳам аниқланган.
Дастлабки ҳисоб-китобларга кўра, мазкур ҳолатда олиб чиқилишига уринилган тилла буюмларнинг умумий қиймати 450 миллион сўмни ташкил этган.
Ҳозирда ушбу ҳолат юзасидан божхона суриштирувлари олиб борилмоқда.
Изоҳ