Ўзбекистонлик ўқувчилар 58-Халқаро кимё олимпиадасидан 4 та медални қўлга киритишди

58-Халқаро кимё олимпиадаси якунларига кўра, Ўзбекистон шарафини ҳимоя қилган барча 4 нафар ўқувчи медаль соҳиби бўлди.

Натижалар:

• Райҳона Туймуродова — олтин медаль;

• Жасур Мустафоев — кумуш медаль;

• Азизмуҳаммад Ҳафизов — кумуш медаль;

• Миржалол Ҳомиджонов — кумуш медаль.

Шу тариқа, жамоамиз 1 та олтин ва 3 та кумуш медални қўлга киритиб, яна бир бор юксак натижа қайд этди.

Маълумот учун, Президентнинг 2024 йил 30 сентябрдаги қарорига мувофиқ, нуфузли халқаро олимпиадалар ғолиблари қуйидаги пул мукофотлари билан тақдирланади:

Олтин медаль — 1 млрд 30 млн сўм, ўқитувчисига — 185,4 млн сўм;

Кумуш медаль — 618 млн сўм, 

ўқитувчисига — 103 млн сўм;

Бронза медаль — 412 млн сўм, ўқитувчисига — 61,8 млн сўм.

Шунингдек, мазкур олимпиада ғолибларини тайёрлаган ўқитувчиларнинг малака тоифаси бир поғонага оширилиши ҳам белгиланган.