Шавкат Мирзиёев Филиппин президенти Фердинанд Маркосга Филиппиннинг Минданао ороли жанубий қирғоқлари яқинида юз берган кучли зилзила оқибатида кўплаб инсонлар ҳалок бўлгани ва жароҳатлангани муносабати билан ҳамдардлик йўллади.
Душанба куни Сулавеси денгизи акваториясида, Минданао оролининг жанубий қирғоғи яқинида 7,8 магнитудали кучли зилзила содир бўлди. Бир соатдан кейин эса 6,8 магнитудали такрорий ер силкиниши қайд этилди. Зилзила эпицентри Генерал-Сантос шаҳридан 51 км жанубда жойлашган эди.
Ҳалок бўлганлар сони 37 нафарга етди, 456 киши жароҳат олди, яна 4 киши бедарак йўқолган деб ҳисобланмоқда.
Давлат раҳбари марҳумларнинг оила аъзолари ва яқинларига чуқур ҳамдардлик билдириб, жабрланганларнинг тезроқ соғайиб кетишини тилади.
Изоҳ