ДХХнинг Тошкент шаҳри бўйича бошқармаси ходимлари томонидан Бош прокуратура ҳузуридаги департамент билан ҳамкорликда ўтказилган тезкор тадбирда солиқ инспекцияси ходимларининг ноқонуний ҳаракатлари фош этилди.
Аниқланишича, Бектемир тумани давлат солиқ инспекцияси бўлим бошлиғи маҳаллий дўконлардан бирида харидорга касса чеки берилмагани ҳақида келиб тушган мурожаатдан хабар топган.
У мансаб ваколатидан фойдаланиб, тадбиркордан маъмурий баённома расмийлаштирмаслик ва материалларни судга оширмаслик эвазига 4 млн сўм пора талаб қилган.
Пулни солиқ инспекцияси инспектори орқали олаётган вақтида у ашёвий далиллар билан қўлга олинган.
Шунингдек, мазкур инспектор жорий йил апрель ойида ҳам ушбу дўкон бўйича бошқа харидорнинг касса чеки берилмагани ҳақидаги мурожаатини инобатга олмаслик эвазига 1,5 млн сўм олгани маълум бўлди.
Ҳозирда мазкур ходимларга нисбатан жиноят иши қўзғатилган бўлиб, тергов ҳаракатлари олиб борилмоқда.
Изоҳ