Фожиа маҳаллий вақт билан якшанба, 21 декабрь куни соат 12:45 атрофида Калифорниядаги Сан-Габриел тоғлари орасидаги йўлда содир бўлган. Полиция маълумотларига кўра, Зампелла рулда бўлган Ferrari йўлдан чиқиб кетиб, бетон тўсиққа урилиб кетган. Тўқнашувдан сўнг автомобиль ёниб кетган ва ҳайдовчи ичида қамалиб қолган. Автомобиль йўловчиси эса кейинчалик шифохонада вафот этган.
Кейинроқ интернетда даҳшатли ЙТҲ видеоси пайдо бўлди. Кадрларда қизил рангли Ferrari 296 GTS юқори тезликда туннелдан чиқиб, назоратни йўқотган ҳолда бетон тўсиққа урилаётгани кўринади. Зарба ортидан спорткар ёниб кетган.
Винс Зампелла — америкалик видеоўйинлар ишлаб чиқарувчиси ва продюсер. Зампелла Battlefield 6, Call of Duty, Call of Duty 2, Call of Duty 4: Modern Warfare ва Call of Duty: Modern Warfare 2 каби машҳур ўйинларни яратган. 2010 йилда Infinity Ward студиясидан кетгандан сўнг Respawn Entertainment студиясини ташкил этган ва у ерда Titanfall ҳамда Apex Legends ўйинларини ишлаб чиқишни бошқарган.
Изоҳ