"Манчестер Сити" ўз майдонида "Брентфорд"ни 2:0 ҳисобида мағлуб этиб, Англия Лига Кубоги ярим финалига йўл олди ва "Ньюкасл"га қарши баҳс олиб боради.
"Шаҳарликлар" сафида Абдуқодир Ҳусанов асосий таркибда майдонга тушди ва ўйинни тўлиқ ўтказиб, ҳимояда ишончли ҳаракат қилди. Учрашув якунларига кўра, SofaScore таҳлилий портали ўзбекистонлик ҳимоячининг ўйинини 7,2 баллга баҳолади.
Финал ҳуштагидан сўнг Ҳусановнинг жамоадоши, ярим ҳимоячи Дивайн Мукаса Ҳусановнинг якуний натижага қўшган ҳиссасини қуйидагича таъкидлади.
"Ҳусановдан ўтиш жуда қийин. У "Брентфорд"нинг деярли барча хавфли ҳужумларини бартараф этди ва бунинг учун ундан жуда миннатдормиз," - деди Мукаса.
Изоҳ