Ўзгидромет Тошкент аҳолиси ва меҳмонларини ҳавонинг ифлосланиши туфайли кўчада ниқоб тақишга чақирди

Ўзгидромет пойтахт аҳолиси ва меҳмонларини очиқ ҳавода бўлишни камайтиришга ва кўчага чиққанда ниқоб тақишга чақирди.

Атмосфера ифлосланишини автоматик кузатиш станциялари маълумотларига кўра, 11 ноябрь соат 09:00 ҳолатига PM2.5 майда дисперс қаттиқ заррачаларининг миқдори 143 мкг/м3 ни ташкил этди, бу меъёрдан 2,4 баравар (60 мкг/м3) кўпдир.

Кун давомида майда PM10 заррачаларининг ўртача миқдори 189 мкг/м3 ни ташкил этди, бу РЕМ (300 мкг/м3) дан ошмади.

10 ноябрдан бошлаб Ўзгидромет РМ2,5 ва РМ10 кўрсаткичларини ўртача йиллик эмас, балки белгиланган ўртача суткалик меъёрлар билан таққослаган ҳолда акс эттира бошлади.

Миллий стандарт бўйича РМ2,5 нинг ўртача йиллик рухсат этилган қиймати 35 мкг/м3, РМ10 - 500 мкг/м3, ўртача суткалик РМ2,5 - 60 мкг/м3, РМ10 - 300 мкг/м3 ни ташкил этади.

IQAir портали маълумотларига кўра, соат 11:00 ҳолатига кўра, Тошкент ҳавосининг AQI кўрсаткичи 198 ни ташкил этиб, ҳаво сифати зарарли деб таснифланган. PM2.5 концентрацияси ЖССТ томонидан тавсия этилган меъёрнинг ўртача йиллик қийматидан 24,6 баравар юқори.

IQAir прогнозига кўра, ҳаво 16:00 гача зарарли бўлиб қолади, 16:00 дан 19:00 гача эса сезгир гуруҳлар саломатлиги учун зарарли бўлади.