Бугун, 5 ноябрь куни Қатарнинг Доҳа шаҳрида 17 ёшгача бўлган футболчилар ўртасида бўлиб ўтаётган жаҳон чемпионатида Исломбек Исмоилов бошчилигидаги Ўзбекистон U-17 терма жамоаси J гуруҳидаги юришини бошлайди.
Ўзбекистон ўсмирлар терма жамоаси гуруҳдаги юришини Парагвай терма жамоасига қарши баҳс билан бошлайди. Ушбу учрашув Тошкент вақти билан соат 18:00 да бошланади.
Маълумот ўрнида, Ўзбекистон J гуруҳида Парагвай, Ирландия ва Панама ўсмирлар терма жамоасига қарши баҳс олиб боради.
Ирландия - Ўзбекистон учрашуви 8 ноябрь куни бўлиб ўтса, Ўзбекистон - Панама ўртасидаги ўйин 11 ноябрь куни ўтказилади.
Изоҳ