Бугун, 6 октябрь куни Ғафур Ғулом бекатида ғайриоддий ҳодиса юз берди - йўловчилардан бирида туғруқ бошланди. Бу ҳақда станция навбатчиси Наима Маҳамаджановага йўл ўтказгичда бўлган ички ишлар ходими маълум қилган.
Наима Маҳамаджанова ўзининг касбий билим ва кўникмаларини ишга солиб, тезкорлик билан биринчи тиббий ёрдам кўрсатди ва станциянинг ўзида аёлнинг соғ-саломат туғишига ёрдам берди. У туғруқдан кейинги зарур муолажаларни ўтказди - киндикни боғлади ва чақалоқнинг нафас олиш рефлексини фаоллаштирган.
Шундан сўнг тез ёрдам ва туққан аёлнинг яқинлари чақирилган. Ҳозирда она ва янги туғилган чақалоқнинг саломатлиги яхши - улар шифохонага етказилган.
Изоҳ