Олий Мажлис Қонунчилик палатасининг сешанба куни бўлиб ўтган мажлисида фуқароларнинг ўз тасвирига эга бўлиш ҳуқуқини ҳимоя қилишни кучайтиришга қаратилган қонун лойиҳаси биринчи ўқишда қабул қилинди.
Депутатлар ахборот-коммуникация соҳаси жадал суръатлар билан ривожланаётган ҳозирги шароитда шахснинг тасвиридан фойдаланишда шахсий дахлсизлик ҳуқуқи уни амалга оширишнинг таъсирчан механизмлари мавжуд эмаслиги сабабли айрим ҳолларда чекланаётганлигини бекор қилдилар.
Қонун лойиҳасида шахсни тасвирга олиш ва ундан фойдаланишга розилик олишнинг мажбурий шарти назарда тутилмоқда. Шунингдек, рухсатсиз суратга олиш ва тасвирдан фойдаланишга йўл қўйиладиган ҳолатлар рўйхати белгиланади.
Қонун лойиҳаси билан видеокузатув тизимларидан фойдаланишда шахсий ҳаёт дахлсизлигини таъминлаш бўйича талаблар белгиланмоқда. Хусусан, бино ва иншоотларда видеокузатув камералари ўрнатилган бўлса, бу ҳақда албатта тегишли огоҳлантириш жойлаштирилиши шарт.
Бундан ташқари, ҳужжатда тасвирдан рухсатсиз фойдаланишнинг ҳуқуқий оқибатлари аниқ белгиланган, шунингдек, меҳнат муносабатларида тасвирдан фойдаланиш билан боғлиқ қоидаларга аниқлик киритилган.
Таъкидлаш жоизки, ҳужжат нормаларининг кейинги муҳокамаси иккинчи ўқишда ўтказилиши режалаштирилган.
Изоҳ