UzAuto Motors АЖ Кузатув кенгаши қарорига мувофиқ, компаниянинг бош директори лавозимига Янош Ковач тайинланди. Бу ҳақда компания Матбуот хизмати хабар қилди.
Венгрияда туғилган Янош Ковач Будапешт Техника Университетининг автомобилсозлик технологиялари бўйича муҳандислик мутахассислигини тамомлаган. Ковач жаҳон автомобиль саноатининг етакчи топ-менежерларидан бири сифатида, General Motors, Opel, GM Powertrain Uzbekistan, UzAuto Peugeot Citroën Automotive ва VinFast Automotive каби компанияларда муҳим раҳбарлик лавозимларида кўп йиллик тажрибага эга.
Ўзининг профессионал фаолияти давомида у сифатни бошқариш, ишлаб чиқариш жараёнларини оптималлаштириш вавтомобильил заводлари бошқаруви бўйича масъул бўлган.
У 2021 йилдан буён UzAuto Motors АЖ Кузатув кенгаши аъзоси ва аудит қўмитаси аъзоси сифатида фаолият юритиб келаётган эди.
Эслатиб ўтамиз, 2024 йилнинг декабрь ойида UzAuto Motors АЖ бош директори Бо Андерссон ўз фаолиятини якунлагани ҳақида хабар бергандик.
Изоҳ