Ўзбекистонда доллар курси 12700 сўмдан пастга тушди

Ўзбекистон Марказий банки 11 июндан бошлаб хорижий валюталарнинг ўзбек сўмига нисбатан янги қийматини белгилади.

АҚШ доллари курси яна 37,68 сўмга пасайиб, 12 674,37 сўмни ташкил қилди. Бу 2024 йил 11 сентябрдан буён энг паст кўрсаткич бўлди. Ўшанда АҚШ доллари курси 12 686,71 сўмни ташкил қилган эди.

Умуман олганда, Америка валютаси сўмга нисбатан тўртинчи кун кетма-кет пасайиб, 182,98 сўмга – 12 857,35 сўмдан 12 674,37 сўмга тушиб кетди.

10 июнь куни тижорат банкларида долларни харид қилиш курси 12615–12700 сўмни, сотиш курси эса 12720–12780 сўмни ташкил қилди.