Қандай рақамлар серияси давлат раҳбарияти, вазирлар, депутатлар, сенаторлар ва махсус хизматлар ходимларига тегишли эканлиги ҳақида айтиб берамиз.
PAA – президент, давлат раҳбарияти, ҳукумат ва Вазирлар Маҳкамасига тегишли рақамлар. Бундай рақамларда ҳудудий коднинг ўрнига Ўзбекистон байроғи акс эттирилади.
PSS – Ўзбекистон президентининг Хавфсизлик хизматига тегишли рақамлар.
PPP – Олий Мажлис сенаторлари ва депутатлари, Ўзбекистон президенти администрацияси раҳбарлари ва масъул ходимларига тегишли рақамлар.
APC – вазирликлар, давлат қўмиталари, Вазирлар Маҳкамаси департаментлари ва давлат олий таълим муассасаларининг раҳбарларига тегишли рақамлар.
UZB – давлат ҳокимияти марказий органларининг раҳбарларига тегишли рақамлар.
TSS, TST, USB – Давлат хавфсизлиги хизматига тегишли рақамлар.
VSB, VSC, VSF, VSD, VSG, VSV – ички ишлар органларига тегишли рақамлар.
ZDF – Ўзбекистон Бош прокуратураси ходимларига тегишли рақамлар.
FVV – Ўзбекистон ФВВ ходимларига тегишли рақамлар.
PSF, PSP, PSV – Ўзбекистон Республикаси Миллий гвардияси ходимларига тегишли рақамлар.
DXA – Ўзбекистон Республикаси Адлия вазирлигининг Давлат хизматлари агентлиги ходимларига тегишли рақамлар.
TTA, TTB, TTC, TTD, TTE, TTF, TTG – такси рақамлари.
CMD – элчи ва вакилларга тегишли рақамлар (яшил).
D – дипломатларга тегишли рақамлар (яшил).
X – консулликларга тегишли рақамлар (яшил).
UN – Ўзбекистондаги БМТ ваколатхонаси ва унинг ташкилотларига тегишли рақамлар (UNDP, UNICEF, WHO ва бошқалар) (яшил).
М – хорижий корхона ва компаниялар ходимлари, шунингдек, инвесторларга тегишли рақамлар (яшил).
H – фуқаролиги йўқ кишиларга тегишли рақамлар (сариқ-қора).
Т – маъмурий-техник ходимларга тегишли рақамлар (яшил).
DAV – давлат бошқаруви ва ҳокимиятларнинг шахсий бириктирилган ва навбатчи хизмат автомобилларига бериладиган рақамлар.
MV – Ўзбекистон Мудофаа вазирлигига тегишли рақамлар.
