“Тошшаҳартрансхизмат” АЖ Ахборот хизмати хабарига кўра, 28 апрель куни соат тахминан 13:45 да, 86-сонли автобус ҳайдовчиси М.А. Юрак-қон томир жарроҳлик клиникаси бекатида олдинда кетаётган транспорт воситаси кескин тўхташи натижасида автобусни ўнгга бурган ва бекат ёнида турган 2 та пиёдани уриб юборган.
Аниқланишича, жабрланувчилар Н.Д. ва О.Л.ларга енгил тан жароҳати етган ва шифохонага етказилган. Айни пайтда уларнинг аҳволи яҳши эканлиги айтилмоқда.
Ҳайдовчига нисбатан Маъмурий жавобгарлик тўғрисидаги кодекснинг 133-моддаси билан маъмурий иш қўзғатилган. Ҳозирда дастлабки тергов ҳаракатлари олиб борилмоқда.