Навоий вилояти прокуратураси Матбуот хизматининг хабар беришича, 2021 йил 12 июнь куни Хатирчи туманида яшовчи 7 нафар фуқаро “Олтинсой” тоғ тизмасидан тилла қуми қазиб олиш мақсадида бориб, чуқурликка тушишган.
Шундан сўнг, уларнинг 4 нафари “электродвижок”дан чиққан ёқилғи тутунидан заҳарланиб, воқеа жойида вафот этган. Қолган 3 киши эса туман тиббиёт бирлашмасининг жонлантириш бўлимига ётқизилган.
Мазкур ҳолат юзасидан Хатирчи туман прокуратураси томонидан терговга қадар текширув ҳаракатлари олиб борилмоқда.