Ўзбек тадбиркори Алишер Усмонов ва бадиий гимнастика бўйича Россия терма жамоаси бош мураббийи Ирина Винер-Усмонова ажрашишга қарор қилишди. Бу ҳақда "РИА Новости" хабар бермоқда.
Маълум қилинишича, 7 июнь куни масалани Москванинг Крилацкое тумани суд округи судьяси кўриб чиқади.
Алишер Усмонов 28 февраль куни, Украинадаги уруш бошланганидан тўрт кун ўтиб, Европа Иттифоқининг санкциялари рўйхатига тушган эди.
Тадбиркор вакиллари бу шахсий санкциялар эканини ва улар Усмонов компанияларига таъсир қилмаслигини айтишган.