Маълум қилинишича, жорий йилнинг 8 апрель куни соат 05:34 да Янгиҳаёт туманида ЙТҲ содир бўлган. Бу ҳақда "Миллар" дастури хабар қилди.
Аниқланишича, Isuzu автомобили йўл-транспорт ҳодисасига учраганлиги ва ёнғин келиб чиққанлиги ҳақида Тошкент шаҳар ФВБга хабар келиб тушган.
Хабарга асосан, ёнғин қутқарув экипажлари 05:37 да айтилган манзилга етиб бориб, ёнғин 05:40 да ўчирилган.
"Жуда ҳам ачинарли ва даҳшатли даражада ёнган эди. Йўлда турган Камазнинг орқасидан келиб урган. Ҳайдовчи ухлаб қолган бўлганми, билмадим. Машинани ичидан ҳам одамларни олиб чиқиш имконсиз эди. У оловда ҳеч ким боролмаган",- дейди гувоҳлардан бири.
Ушбу ЙТҲ оқибатида автомобиль ичида бўлган 2 нафар йўловчи ҳалок бўлган.
