Жорий йилнинг 18 сентябрь куни соат 00:30 атрофида Чилонзор тумани КҲАЙ-Қатортол кўчалари чорраҳасида йўл- транспорт ҳодисаси юз берган. Бу ҳақда Тошкент шаҳар ИИББ ЙҲХБ Ахборот хизмати хабар қилди.
Маълум қилинишича, ушбу ЙТҲ К.Д. бошқарувидаги Nexia-2, Й.А. бошқарувидаги Malibu-1, Ш.А. бошқарувидаги Cobalt автомашиналари тўқнашиши оқибатида содир бўлган.
Мазкур ЙТҲ натижасида Cobalt русумли автомашина ҳайдовчиси тан жароҳат олган.
