Халқ таълими вазири барча тайёрлаган ўқувчилари Олимпиадада ғолиб бўлган информатика ўқитувчисини “Халқ таълими фидойиси” унвони билан тақдирлади, дея хабар бермоқда вазирлик Матбуот хизмати.
Олдинроқ Фарғона вилояти Ўзбекистон тумани 65-ИДУМИ информатика ва ахборот технологиялари фани ўқитувчиси Одинахон Йўлдошеванинг Олимпиадага олиб чиққан 9 нафар ўқувчиси (9-10-11 синфлар) вилоят фан олимпиадасида мутлоқ ғолибликни қўлга киритиб, Республика босқичига йўлланма олганди.
Ўқитувчи фаолияти ҳақида маълум қилгани учун блогер Исроил Тиллабоевга вазир томонидан навбатдан ташқари ноутбук тақдим этилди.
Аввалроқ, Шерзод Шерматов ўқитувчилар орасидан #zamonamiz_qahramonlari’ни топиб, уларни элга танитган исталган касб эгасига ҳар икки ҳафтада биттадан ноутбук беришни маълум қилганди.
