Тошкент шаҳар Миробод туманидаги Маъмурий бино учун e-auksion.uz платформасида онлайн-аукцион ўтказилди.
Бошланғич нархи 75,6 млрд сўм бўлган давлат мулки объекти шаффоф аукцион натижасида 124,7 млрд сўмга сотилди. Онлайн савдо қарийб 1 соат 20 дақиқа давом этди.
Аукционда иштирок этган 5 нафар иштирокчидан 124,75 миллиард сўмлик таклиф билан "Хамкор Иншаат" компанияси ғолиб деб топилди. Якуний нарх бошланғич нархдан 65% га ошди.
Маълумот учун, ушбу давлат активи 1,3 гектар ер майдонига эга.
