Президент Шавкат Мирзиёев Анталия шаҳрида Саудия Арабистони делегациясини қабул қилди. Унга энергетика, саноат ва минерал ресурслар вазири шаҳзода Абдулазиз бин Салмон Ол Сауд бошчилик қилди.
Учрашув аввалида вазир Ўзбекистон раҳбарига Саудия Арабистони Қироли Салмон бин Абдулазиз Ол Сауд ва Валиаҳд шаҳзода, Бош вазир Муҳаммад бин Салмон Ол Сауднинг саломи ва эзгу тилакларини етказди.
Музокараларда сўнгги йилларда икки томонлама муносабатлар жадал ривожланаётгани, йирик қўшма лойиҳалар портфели шакллантирилгани таъкидланди. Уларнинг салмоқли қисми «яшил» энергетика соҳасига тўғри келади.
Шунингдек, нефть-газ, нефт-кимё, тоғ-кон саноати ва бошқа устувор йўналишлардаги ҳамкорликни чуқурлаштириш ҳамда янги амалий таклифлар ишлаб чиқиш масалалари муҳокама қилинди.
Изоҳ