2026 йил 8 июнь куни Истанбул шаҳрининг Фотиҳ туманидаги Лалели мавзесида жойлашган трамвай бекатида бахтсиз ҳодиса юз бериб, 6 ёшли Ўзбекистон фуқароси вафот этди. Бу ҳақда Ўзбекистоннинг Истанбулдаги Бош консулхонаси хабар қилди.
Ўзбекистоннинг Истанбул шаҳридаги Бош консулхонаси маълум қилишича, бола ота-онаси ва яқинлари билан бирга Туркияга сайёҳ сифатида келган бўлган.
Дастлабки маълумотларга кўра, вояга етмаган фуқаро трамвайдан тушганидан сўнг бекат ва трамвай релслари оралиғида қисилиб қолган. Транспорт воситаси ҳаракатланиши натижасида у оғир тан жароҳатлари олган ва воқеа жойида вафот этган.
Айни пайтда Туркия ҳуқуқни муҳофаза қилувчи органлари томонидан ҳодиса юзасидан тергов ҳаракатлари олиб борилмоқда.
Ўзбекистоннинг Истанбул шаҳридаги Бош консулхонаси марҳумнинг оила аъзолари ва яқинларига чуқур ҳамдардлик билдириб, зарур консуллик-ҳуқуқий ёрдам кўрсатиш чоралари кўрилаётганини маълум қилди.
Изоҳ